Bashkia Krujë : Nëntori i Parë i Shqipërisë, bën bashkë Anagnostin, Tushën, Radojën në Kalanë e Krujës

Bashkia Krujë, ditën e djeshme kujtoi një nga ditët më të rëndësishme të historisë së Shqipërisë, 28 nëntorin 1443, ku Gjergj Kastriot Skënderbeu, ngriti flamurin kombëtar nga Kalaja e Krujës, duke e kthyer këtë qytet në simbol të rezistencës së popullit shqiptar.

Aktivitet “Nëntori i Parë i Shqipërisë”, u soll para të ftuarëve në Muzeun Kombëtar “Gjergj Kastriot Skënderbeu”, përmes një natë poetike dhe muzikale me artistët më të njohur shqiptar si Gulielm Radoja, Roza Anagnosti, tenori i njohur Kastriot Tusha dhe artisit i ri Kristian Koroveshi bashkë me grupin e violinistëve. Për gati një orë, muzeu u kthye në një skenë ku zunë vend emocionet nga recitimi i vargjeve të Fan Nolit, Gjergj Fishtës, Naim Frashërit nga mjeshtrat e artit shqiptar Radoja dhe Anagnosti, të shoqëruar nga muzika e kompozitorëve të njohur si Cesk Zadeja, Prenkë Jakova, Aleksandër Lalo, të luajtur nga violinistet Stringirl. Tenori Tusha, i cili u kthye në origjinën e tij, në Krujë performoi këngët “Rrjedh në Këngë e Ligjërime”, “Për ty atdhe” e shumë të tjera, duke marrë duartrokitjet dhe entuziazmin nga publiku krutanë.

Për bashkinë Krujë, ky aktivitet shënon dhe fillimin e “Vitit të Skënderbeut”, ku sipas Z. Drini Masha, Drejtor i Zyrës së Turizmit, për vitin që vjen janë menduar një sërë aktivitetesh artistike, konferenca shkencore mbi rolin e “Gjergj Kastriot Skënderbeun”, pasi qendra e historisë së Shqipërisë është Kruja.
Sipas tij “Kruja i ka dhënë shumë Shqipërisë, gjer me emrin fisit të albanëve, që njihet sot Shqipëria me emrin Albania, Kryeqendrën e parë Arbërore në vitin 1190, “Nëntorin e Parë të Shqipërisë”, “Flamurin Kombëtar” dhe Heroin e shqiptarëve, Gjergj Kastrioti Skënderbeu.

Ky aktivitet u mundësua dhe falë mbështetjes së Agjensisë së Zhvillimit të Rajoneve 2, Banka Credins, Kastrati dhe Hako.

Aktivitetet 28-29 Nëntor!

CFA54EDE-DDF9-45A2-899E-86699C7A38E3

-DATË 27 NËNTOR 2017, ORA 18:00 “Kinemaja Fushë Krujë”, aktivitet artistik nga Qendra Kulturore e Fëmijëve.

-DATË 28 NËNTOR 2017, ORA 19:00 “Nëntori i Parë i Shqipërisë” në Muzeun Kombëtar “Gjergj Kastriot Skënderbeu”.

-DATË 29 NËNTOR 2017, ORA10:00 “Homazhe në Varrezat e Dëshmorëve” në Krujë.

-DATË 29 NËNTOR 2017, ORA 18:00 “Nëntori i Lirisë”, në Sheshin “Skënderbej” Krujë.

Kryebashkiaku Bushi: Së shpejti përfundon puna edhe për 28 shtëpi të tjera për komunitetin rom dhe egjiptian !

Bashkia Krujë për të dytin vit radhazi po investon në përmirësimin e kushteve të banesave të komunitetit rom dhe egjiptian në Fushë Krujë. Falë një investimi prej 13.333.333 lekë, ky projekt ka të bëj me rikonstruksionin e banesave ekzistuese në lagjjet ku janë vendosur dy komunitetet.

Projekti parashikon ndërhyrje në 28 objekte banimi, të cilat do të restaurohen në mënyrë të plotë, duke ndërhyrë së pari në banesat të cilat nuk sigurojnë kushtet më minimale për të qenë të banueshme. Brenda një kohe të shkurtër, banesat do të jenë gati me gjithë ndërhyrjet që parashikon projekti, nga rikonstruksioni i mureve, çati të reja, shtrimin e dyshemeve, dyer dhe dritare e sistem të ri elektrik.

Screen Shot 2017-10-31 at 10.13.41 PM

Për kryebashkiakun Bushi, ky investim dëshmon angazhimin tonë, në përmirësimin e jetesës së banorëve të bashkisë Krujë, përmes investimeve apo shërbimeve publike njësoj për të gjithë, pavarisht se jeton në qytet ose fshat, apo të cilit komunitet i përket. “Jam i impresionuar nga puna e mirë që po bëhet dhe me ritëm të shpejtë, që i ftohti që vjen ti gjejë rreth 200 banorët e komunitet me kushte sa më të mira dhe të ngrohta”, tha kryebashkiaku.Screen Shot 2017-10-31 at 10.14.11 PM

Për bashkinë Krujë ky nuk është investimi i parë që bëhet për rehabilitimin e banesave rome, pasi vitin që shkoi, 37 banesa të komunitetit Rom u rikonstruktuan po në njësinë Fushë Krujë. Gjatë vitit 2016, po me mbështetjen e Ministrisë së Zhvillimit Urban, nisi për herë të parë ky projekt, i cili rezultoi tejet efikas dhe përmbushi një nevojë tejet të madhe për 250 banorët e komunitetit rom. “Dua të falenderoj shumë përzemërsisht ish Ministren Eglantina Gjermeni për mbështetjen që ka dhënë ndaj Bashkisë Krujë me një sërë projektesh infrastrukturore, e ku një nga këto është edhe projekti për rehabilitimin e banesave rome”, theksoi në fund kryetari i bashkisë Krujë.

Bashkia Krujë: “Mozaik Kruje” aktiviteti që solli artin krutan në Pazarin e Ri !

PLEQTE E KRUJES

 

Tirana mikpritëse, festoi në një ditë dhe hapësirë kushtuar krutanëve mes vlerave më të mira të saj. Falë një bashkëpunimi mes dy bashkive Krujës dhe Tiranës, Fondit Shqiptaro- Amerikan për Zhvillim, AZHR2 dhe TID Kruja, u organizua “Mozaik Kruje”. Aktiviteti ngjalli interesin e shumë qytetarëve të kryeqytetit, turistëve të shumtë të cilët u njohën me Krujën në çdo vlerë dhe atraksion të saj.

E organizuar në të dy hapësirat e Pazarit të Ri, aktiviteti nisi me panairin e artizantit, ku duarartët e Pazarit Karakteristik sollën produktet artizanale, të një tradite 500 vjeçare që ruhet me fanatizëm nga krutanët. Punimet e bakrit, drurit, shajakut u “servirën” para shumë syresh kureshtar, duke dëshmuar se tradita krutane ende kërkohet e vlerësohet prej shqiptarëve dhe turistëve.

Gjithashtu pjesë ishin edhe bizneset e vogla që merren me prodhime artizanale jo vetëm në qytetin historik të Krujës, por edhe në rrethinat e saj, ku sollën produket prej guri, druri dhe veshje të ndërthurura me elementet moderne të kohës. “Kruja outdoor” u prezantua gjithashtu si një nga atraksionet më të reja të bashkisë Krujë, që me reformën e re territoriale përfshin Parkun Kombëtar të Qafshtamës, ku ofron mundësi për një sërë aktivitetesh sportive, në një nga bukuritë e natyrës shqiptare. Inovacioni u sollë me një platformë të re, “Kruja Virtual Tour”, produkti më i fundit i bashkisë Krujë.

Pazari i Ri u gjallërua nga artistët e rinj krutanë mes performancave artistike në këngë, aktrim, valle dhe dasmën krutane, të prezantura nga Anjeza Maja. Përreth 5 orë në kryeqytet u dëgjuan dhe u kërcyen këngët krutane nga Grupi Karakteristik “Pleqtë e Krujës”, të shoqëruar edhe nga aktori i njohur Xhevat Limani që solli Skënderbeut mes të pranishmëve.

Mozaik Kruje kulmoi në mbrëmje me “Artisan’s Fashion Night” ku u prezantuan nga modelet veshjet tradicionale me motive moderne. Në një skenë e konceptuar në gurë, të ftuarit u njohën me një tjetër anë të vyer të artizanatit, ku veshjet tradicionale mund të përdoren jo vetëm si elementë dekorues, por edhe si rikthim në mode të traditës krutane. Veshjet u realizuan nga artizanët krutanë në kujdesin e stilistes Gerta Oparaku dhe etnografes së njohur Znj. Afërdita Onuzi.

Të pranishëm në “Mozaik Kruje” ishin Nën Kryetari i Bashkisë Krujë Z. Ilir Loci, Kryetari i Bashkisë Tiranë, Z. Erion Veliaj, Drejtori i Bordit Drejtues të Fondit Shqiptaro-Amerikan për Zhvillim, Michael Granoff, deputetët Znj. Eglantina Gjermeni dhe Z. Rrahman Rraja dhe trupi diplomatik i atashuar në Shqipëri, miq të Krujës dhe personalitete të vendit.

 

“Mozaik Kruja” ditën e mërkurë 11 tetor 2017

E2818832-62AC-412C-AC53-529DCAC433CB5985A78A-622F-4B87-8D2A-31DF12416D7E

Fondacioni Shqiptaro-Amerikan per Zhvillim ne bashkepunim me Shoqaten TID Kruja, Bashkine Kruje dhe Agjencine per Zhvillim Rajonal 2, me mbeshtetjen e Znj. Eglantina Gjermeni dhe Z. Erion Veliaj organizojne eventin “Mozaik Kruje” . Nje dite dedikuar Krujes, ne Pazarin e Ri te Tiranes. Ne kete dite do te kete aktivitete te larmishme sipas programit te meposhtem:

11:00_Fjala përshëndetëse e përfaqësuesve të AADF, Bashkisë Krujë, Deputetes Znj. Eglantina Gjermeni dhe perfaqesuesit te AZHR 2.

11:15 _Hapja e Panairit te produkteve artizanale dhe te kulinarise.
Sofra krutane me perfaqesuesit e Grupit Karakteristik te Pleqve te Krujes.

11:15 – 12:00_ “Kruja Folk” , kenge dhe valle nga artistet me te mire krutane.

12:00 -12:30 _ Performance gatimi te kabunise , nje nga embelsirat tradicionale te Krujes.

12:30 -13:00 _ Improvizimi i berjes se rakise nga nje prodhues lokal.

13:00 – 14:00_ “Kruja Art Junior” , performanca artistike nga te rinj te talentuar krutane.

14:00 – 15:00_ Drama “Gjaku i Arbrit” e interpretuar nga nxenesit e Gjimnazit “Skenderbeu” .

15:00 – 16:00_ Muzike qytetare nga Kuarteti muzikor ( solist, violine, organo dhe kayon).

16:30 – 17:00 _ Venia ne skene e nje fragmenti te Dasmes Krutane.

17:00 – 17: 30 _ Performance e realizimit te nje qelesheje nga nje artizan i zones.

18:30 – 20:00 _ Koktej dhe sfilate me veshje qe nderthurin modernen me motivet tradicionale.

Ju mirepresim !

Kryebashkiaku Bushi: Rruga “Kroi Subash” dhe “Kovaçe”, dy investimet e radhës në qytetin e Krujës !

Falë dy investimeve të bashkisë Krujë, kanë nisur të rikonstruktohen rrugët “Kroi Subash” dhe
“Kovaçe” në qytetin e Krujës. Dy projektet parashikojnë ndërhyrje me asfaltimin e rrugëve,
kanalizimin e ujërave të shiut dhe zgjerimin e saj në disa pjesë të segmenteve rrugore.
Gjithashtu në rrugën “Kroi Subash” është parashikuar të ndërhyhet edhe në një pjesë të përroit,
që prej vitesh ka shkaktuar dëmtim të rrugës, ndërsa në Kovaçe, rruga do jetë edhe me sistem
ndriçimi.

Sipas kryetarit të Bashkisë Krujë: “Këto dy segmente janë tjetër dëshmi e angazhimit tonë, në
përmirësimin e infrastrukturës rrugore dhe urbanizmin e lagjjeve brenda qytetit. Këto dy projekte
i shtohen kantiereve të ndërtimit në qendrën e qytetit, parkimit nëntokësor dhe fasadat e
godinave në rrugën kryesore”.

Vlera e rrugës “Kroi Subash” shkon në 8.160.000 me tvsh, ndërsa rruga “Kovaçe” arrin në vlerën
e 12.282.700 me tvsh dhe mbulohet i gjithi nga buxheti i bashkisë Krujë.

Bashkia Krujë: Rritja e numrit të turistëve në Krujë, sfidë për çdo aktor për të rritur cilësinë e ofertës turistike!

Ditën e djeshme në Kalanë e Krujës, u organizuan një sërë aktivitetesh në kuadër të “Ditës
Botërore të Turizmit”. Cdo vit më 27 shtator, me qëllimin për të nxitur ndërgjegjësimin në mesin
e komunitetit për rëndësinë e turizmit dhe vlerat e tij sociale, kulturore, politike dhe ekonomike,
ky aktivitet bashkon gjithë aktorët për të diskutuar për standartet më të mira të turizmit. Vitet e
fundit, turizmi është bërë posaçërisht i njohur për potencialin e tij ekonomik që të kontribuon në
uljen e varfërisë në vendet në zhvillim. Ky aktivitet, nisi mes kulinarisë tradicionale shqiptare,
artizanatit krutan, veshjeve dhe valleve popullore të performuara nga Qendra Kulturore e
Fëmijëve.
Me tematikën “Turizmi i qëndrueshëm si mjet për zhvillimin”, u zgjodh Kruja për këtë datë të
rëndësishme, si qyteti që pret dhe numrin më të madh të turistëve dhe kjo e shtrirë gjatë gjithë
vitit. Nisur dhe nga ndarja territoriale, bashkia Krujë ofron një produkt turistik shumë të gjërë,
nga turizëm kulturor me Kalanë e Krujës, atë natyror me Malin e Krujës, Qafshtamën,
Agroturizëm dhe atë kurativ me Llixhat në Bilaj. Kjo hapësirë, ofron mundësi argëtimi apo
sportive si “hiking”, çiklizëm, ngjitje në mal, hedhje në parashutë.
Me praninë e Ministrit të Turizmit dhe Bujqësisë Z. Klosi, Drejtorit të Agjensisë Kombëtare të
Turizmit, Z. Collaku, përfaqësueve të pushtetit vendor dhe qëndror, u nënvizuar rëndësia e
turizmit në Shqipëri dhe sfidat që e presin, për të rritur sa më shumë standartet që sot kërkohen
nga turistët.
Për nënkryetarin e bashkisë Krujë, Z. Ilir Loci “ 300.000 turistë për vitin 2016 u cilësua një
sukses, por lajm i mire është se këtë shifër e kemi arritur në 8 muaj për vitit 2017, çka dëshmon
rritjen e vizitorëve”. Investimet që po bëjmë, me rehabilitimin e sheshit “Skënderbej”, dy
parkime, fasadat e pallateve në rrugën kryesore të Krujës, apo dhe sinjalistika bashkë me
dixhitalizimin e shërbimit turistik janë projekte ambicioze për Krujën”. Por për ta kthyer në
industrinë më të madhe të punësimit, ka shumë sfida që duhen arritur, për të qenë sa më
konkurues në ofertën turistike në rajon. Ky aktivitet shërbeu si mundësi e mirë, ku të gjithë aktorët shprehën problemet që kanë dhe mundësitë për tu zhvilluar më tej.

ARTUR BUSHI : Mirënjohje dhe lavdi “Ditës së Clirimit të Krujë”

Përshëndetje të nderuar qytetarë,

Më lejoni t’Ju uroj “Gëzuar Ditën e Clirimit të Krujës” !

Sot e 73 vite më parë, krutanë të mençur e trima, të thirrurr nga vokacioni patriotik dhe ai i lirisë, që në shekuj karakterizon popullin tonë, u rreshtuan në anën e duhur të historisë, duke luftuar për një Shqipëri të lirë !
Mes lavdisë dhe Mirënjohjes për çdo të rënë, do kujtojmë solemnisht me respekt luftën heroike të dëshmuar nga Mustafa Kacacit, Myrteza Pengili Adem Gjeli e shumë të tjerër, duke na bërë krenar për luftën e drejtë të tyre.

Lajm po aq i mirë është se Bashkia Krujë, vjen në këtë 22 shtator me një projekt për rikonstruksionin e Varrezave të Dëshmorëve, si dëshmi e rëndësisë që heronjtë e Krujës kanë sot.

Ju uroj edhe njëherë Gëzuar ditën e Clirimit !

Faleminderit.

Shkolla “Arbëria” në fshatin Halil, me kushte të reja, falë ADRA Albania !

Shkolla 9 vjeçare Arbëria në fshatin Halilaj të Krujës ka një pamje të re dhe infrastrukturë të brendshme

për të gjithë nxënësit që do mësojnë aty. Institucioni është shndërruar nga një shkollë pa dyer e dritare në
një godinë model që pret vetëm nxënësit për të nisur një proçes të suksesshëm arsimor.
Nxënësit e shkollës 9-vjeçare “Arbëria” në fshatin Halil të Fushë Krujës do të gjejnë institucionin e tyre
arsimor të transformuar kur të kthehen në shtator.
Investimi prej 6500 eurosh nga donatorë austriake që operojnë përmes Adra Albania në Shqipëri ka
ndryshuar krejt pamjen dhe infrastrukturën e brendshme të shkollës.
Ish-drejtori i Adra në Austri, Walter Macher, ka arritur të thithë donacione nga kompani të huaja dhe
organizatat humanitare për të ndërtuar shkollën e amortizuar në Shqipëri.
Falë këtij bashkëpunimi, kjo shkollë u arrit të rikonstruktohej në një kohë rekord, për fëmijët e kësaj zone.
Bashkia Krujë shpreh mirënjohjen ndaj ADRA Albania dhe veçanërisht ndaj Z. Walter Macher për
kontributin e mbledhur e për të siguruar kushtet e domosdoshme për një edukim sa më cilësor