Gjendja e Rrugëve në Krujë

Nisur nga situata e vështirë e kushteve klimaterike, ku në territorin e Bashkisë Krujë, temperaturat shkuan deri në – 15 gradë Celcius dhe pati reshje dëbore në qytetin e Krujës dhe në Njësinë administrative Cudhi. Në bashkëpunim të ngushtë me Autoritetin Rrugor Shqiptar janë marrë të gjitha masat që rrugët të jenë të kalueshme duke hedhur kripë dhe skorje nga mjetet borëpastruese të Jubica Shpk dhe Bashkië Krujë.

Në qytetin e Krujës janë të kalueshme lehtësisht dhe pa zinxhire për automjetet të gjitha segmentet rrugore. Rruga nacionale Krujë- Fushë Krujë e kalueshme pa zinxhirë, Rruga Mali i Krujës e kalueshme, pa zinxhirë. Rrugët e lagjeve tërësisht të lira.

Në Njësinë administrative Cudhi, aksi nacional Krujë – Qafshtamë është i kalueshëm pa zinxhirë për automjetet. Këshillohet vendosja e zinxhirëve vetëm në pjesën fundore të aksit pranë Parkut Kombëtar të Qafshtamës ka prezencë të akullit. Gjendja e rrugëve që lidhin fshatrat është si më poshtë :

  • Fshati Shkretë i pakalueshëm për automjetet, trashësia e dëborës 30 cm.
  • Fshati Mafsheq, i kalueshëm për automjetet e larta, trashësia e debores 20 cm
  • Fshati Nuajë, i kalueshëm edhe pa zinxhirë.
  • Fshati Kroi i Madh, i kalueshëm vetëm për mjetet e larta.
  • Fshati Cudhi Zallë, i kalueshëm, trashësia e doborës 20 cm.
  • Fshati Bruz Mal, i pakalueshëm, trashësia e doborës 20 cm dhe presence akulli në rrugë.
  • Fshati Rrënxë, i kalueshëm me zinxhirë.

Policia e Shtetit ka qenë e pranishme duke u kujdesuar për lëvizjen e mjeteve, këshilluar për vendosjen e zinxhirëve nga ana e shoferëve, ndërsa githë shërbimi shëndetësor është në gatishmëri ndaj situatave që mund të vijnë nga kushtet e vështira të motit.

Për familjet e bllokuara dhe në nevojë,Bashkia Krujë ka marrë masat që asnjë familje të mos mbesë pa ushqime, duke dërguar pako ushqimore në Njësinë Administrative Cudhi.

 

 

Artur Bushi : Bashkia Krujë në gatishmëri maksimale ndaj situatës së vështirë të kushteve klimaterike !

Falë masave të ndërmarra nga Autoriteti Rrugor dhe Drejtoria e Shërbimeve Publike të gjitha akset rrugore në qytetin e Krujës janë të kalueshme lehtësisht dhe pa zinxhire për automjetet. Segmenti rrugor që shfaqet më problematik është rruga e Malit, ku është e kalueshme me zinxhirë.

Ndërkohë Njësia Administrative Cudhi ka shumë probleme, ku aksi nacional Krujë – Qafshtamë është i kalueshëm vetëm nga mjetet e rënda. Disa fshatra janë të izoluara nga reshjet e dendura të dëborës, ku trashësia arrin në 50 cm.

Për Kryetarin e Bashkisë, Z.Artur Bushi -” Kjo është një situatë e vështirë, ku përpos angazhimi maksimal të punonjësve të Bashkisë Krujë, duhet dhe një mirëkuptim nga ana e banorëve për të shmangur sa më shumë lëvizjet sidomos në orët e para të ditës”.

Artur Bushi : Urimi më i mirë për festat e fundvitit, përfundimi I projekteve infrastrukturore !

Një nga objektivat e Bashkisë Krujë, të planifikuar në buxhetin e vitit 2016 është realizuar në prag të fundvitit me përfundimin e projektit “Sistemim-Asfaltim i rrugës nga Qendër Gramëz deri në lagjen Breg Lumi”. Investimi i Bashkisë Krujë në segmentin rrugor prej 1km e 30m bëri të mundur komunikimin midis rrugës ekzistuese të Gramzës me lagjen Breg Lumi duke u asfaltuar për herë të parë, pasi deri më sot kishte njohur vetëm mirëmbajtjen.

 

Projekti përfshinte një serë shërbimesh dhe rikonstruksion të rrugës në disa faza punimesh si: shtresë çakulli me gjerësi 10cm, shtresë stabilizanti me gjerësi 4cm, dy bankina anësore me gjerësi 75cm dhe vendosje tobine  me diametër 1,30cm. Firma zbatuese e projektit është Sireta 2F dhe vlera e investimit është 16 341 312 lekë.

 

Lidhja dhe komunikimi nëpërmjet infrastrukturës është kusht dhe siguri për një zhvillim të qëndrueshëm në territor dhe ekonomi, si dhe për rritjen e cilësisë së jetës sociale. Banorët e  Gramzës kanë përfituar me këtë rrugë unitetin infrastrukturor dhe mundësinë e barabartë për të komunikuar më lehtë me rrugën kombëtare si një lidhje strategjike.

 

 

Drejt përfundimit Ujësjellësi në Thumanë që dyfishon furnizimin me ujë të pijshëm

Reforma e përmirësimit të ujësjellësit, si prioritet kyç i Kryetarit të Bashkisë Krujë Z. Artur Bushi po merr jetë me projektin e “Linjës kryesore të Ujësjellësit Thumanë”, i cili po ndërtohet në Thumanë.

Projekti është miratuar si investim në buxhetin e vitit 2016 dhe parashikon përmirësimin e furnizimit me ujë të pijshëm, furnizimin e depos me ujë në mënyrë eficente pa ndërhyrje informale në rrjet, shpërndarjen duke rritur presionin e ujit, si dhe rritjen e shërbimit ndaj çdo familjeje me më shumë orë në dispozicion ujë të pijshëm.

Projekti kap vlerën 13 505 977 dhe parashikon një linjë me gjatësi 1,7km, sistemim të tubave deri në 1,50m thellësi dhe proces disinfektimi të tubave të ujit të pijshëm duke rritur edhe cilësinë e shërbimit të ujit të pijshëm.

Ky investim do të zgjidhë përfundimisht edhe problemin e furnizimit me ujë të pijshëm në stinën e vështirë të verës.

Infrastruktura e Ujësjellës-Kanalizime është në proces njohjeje me investime aty ku ky investim mungon ose është i amortizuar.

REHABILITIMI I FSHATIT DUKAGJIN I RI

Lehtësimi i jetës në komunitet është qëllimi kryesor i investimeve publike dhe objekt nga Bashkia Kruje është fshati Dukagjin i Ri. Nëpërmjet një investimi të miratuar në buxhetin e vitit 2016 në fshatin Dukagjin të Ri ka nisur një projekt me objekt “Sistemim Asfaltim i rrugës Qendër-Dukagjin i Ri” në Njësinë Administrative Thumanë.

Projekti përfshin një serë shërbimesh të munguara deri më sot dhe me të gjitha standardet e nevojshme si: ndërtimi i kanaleve të ujërave të zeza, hapje të kanalit përbri rrugës për kullimin e ujërave të bardha me 33 puseta duke evituar njëherë e mirë problemin e përmbytjeve në këtë zonë, bordurë dhe trotuar me gjerësi 50cm, asfaltim i rrugës me gjatësi lineare 450m të shoqëruar me 18 ndriçues.

Ndërkohë, për t’i shtuar vlerat këtij projekti Kryetari i Bashkisë Z. Artur Bushi i ka shtuar projektit dhe një zonë të gjelbër rreth 150m2, e cila pritet të funksionojë edhe si qendër komunitare në shërbim të fëmijëve, të moshuarve dhe të gjithë familjarëve.

Ajo që është më thelbësore në këtë investim është lirimi i hapësirës publike ç’ka i hapi rrugë dhe  projektit. Rreth 500 banorë që banojnë në këtë lagje kanë qenë të izoluar prej më shumë se 2 dekadash nga ndërtimet informale përreth pallateve. Projekti ka një vlerë financimi 12 230 911 lekësh.

E gjithë kjo është një garanci për kushte higjeno-sanitare dhe për një jetë më të mirë të qytetarëve.

Artur Bushi : Kruja drejt Rilindjes Urbane

14711256_1242021842514667_5503995150166382898_o

14714892_1242022955847889_5792639577615395233_o

Zëvendëskryeministri Niko Peleshi i shoqëruar nga Kryetari i Bashkisë së Krujës Artur Bushi është ndalur në disa prej investimeve të realizuara në këtë Bashki nën programin e Rilindjes Urbane.

Në qytetin e Fushë Krujës ai vizitoi shkollën “Shote Galica”, e cila përveç ndërhyrjes së plotë në godinën e saj ka pajisur me infrastrukturën moderne klasat, laboratorët dhe palestrën. Peleshi duke përmendur investime të tjera në shkolla për këtë bashki, gjithsej 5 shkolla të rikonstruktuara plotësisht, theksoi se nevoja për ndërhyrje të tilla është ende e madhe.

“Nevojat janë akoma më të mëdha dhe nuk mund t’i zgjidhim dot në tre vite po të paktën atje ku ndërhyjmë, të jetë ndërhyrja e plotë. Pra edhe të pajisen me laboratorë, mjete shkollore, por edhe terrenet sportive, apo palestrat kanë shumë rëndësi për ne, sepse janë pjesë e programit të shkollës komunitare”, tha Peleshi. Në qytetin e Fushë Krujës, Peleshi u ndal edhe tek qendra e këtij qyteti e cila është transformuar rrënjësisht.

Ndërsa në qytetin e Krujës, Peleshi, inspektoi punimet e sapofilluara në rrugën hyrëse. Punimet përfshijnë rikualifikimin e qendrës dhe ndërtimin e një parkingu nëntokësor, si një zgjidhje inteligjentë për t’i dhënë frymëmarrje fluksit të lartë të lëvizjes në një nga qytetet me më tepër turistë në vend.

Vetëm gjatë vitit në 2016, qytetin e Krujës e kanë vizituar më tepër se 300 mijë turistë. Për këtë arsye sipas Peleshit investimet e shumta në këtë qytet janë jo vetëm të merituara por edhe të vonuara.

“ Për gjatë gjithë hyrjes së qytetit do të bëjmë një ndërhyrje totale, do të restaurojmë dhe rikonstruktojmë fasadat, rrugët, trotuaret dhe do të krijojmë këtu , me Bashkinë një facilitet që mund të them është eksperimentimi i parë në Shqipëri i një parkimi me dy kate nëntokësore. Me këtë parkim nëntokësor do mund të çlirojmë rrugët e qytetit nga trafiku i lartë i autobusëve, sidomos gjatë pikut të sezonit turistik duke e bërë qytetin më të vizitueshëm dhe më miqësor me këmbësorët”,  shtoi Peleshi. Investimi prej 360 milion lekësh i shërben rreth 17 mijë banorëve dhe pritet të përfundohet në pranverën e ardhshme