SHQIPËRIA PËR HERË TË PARË NË KAMPIONATIN EUROPIAN

Në histori hymë, tani gati për ta shkruar me plot krenari !

Suksese ekipit kombëtar, në vigjilien më entuziaste të miliona shqiptarëve kudo janë !

Ekipi kombetar realizon endrren e dhjetra brezave e miliona shqiptareve duke luajtur ne finalet e kampionatit Europian. Ndeshja e pare u luajt me “shqiptarët e Zvicrës” ku falë formës së mirëtë portierit Zvicerian, as Gashi dhe Sadiku nuk munden ta kthenin ndeshjen ne festen me te madhe te kombit shqiptar.

Pavarsisht kesaj, ndeshja tregoi edhe njehere se shqiptaret jane nje kombetare qe mund ti nxjerre probleme cdo ekipi. Franca eshte kundershtari i rradhes, me date 15-06-2016, ku rezultati pozitiv eshte Brenda pritshmerive sa kohe ne ndeshjet eleminatore kemi arritur te marrim nje barazim dhe nje fitore ne Elbasan Arena.

Ndeshja e fundit luhet perballë ekipit te Rumanise, ku nje fitore mund te sjell edhe kualifikimin ne fazen e metejshme, fale dhe rregullores se 4 vendet e treta me te mira kualifikohen.

 

 

Gëzuar 1 Qershorin, të dashur fëmijë !

Nën përkujdesjen e Bashkisë Krujë, me rastin e festës së 1 Qershorit, Ditës Ndërkombëtare të Fëmijëve u organizuan një sërë aktivitetesh kulturore, sportive dhe humanitare !

“Festo dhe dhuro” erdhi më ndryshe këtë vit, ku festa filloi me aktivitete akrobatike, sportive. Mbas kësaj, vëmandja e të pranishmëve u mor nga Qendra Kulturore e Fëmijëve të cilët kishin përgatitur një sërë këngësh dhe valle karakteristike të zonës.

Falë dhe mbështetjes së partnerëve tanë privat, u bë e mundur që në këtë ditë feste të dhurohen një sërë pakosh ushqimore për familjet në nevojë dhe lodra për fëmijët jetim, duke dëshmuar karakterin solidar të një shoqërie të mirë.

Kastrioti E Mbyll Ne Vendin E Dyte

Endrra per te luajtur vitin e ardhshem ne Superlige, shuhet per kete vit ! Ekipi I Kastriotit e mbyll ne vendin e dyte, pas humbjes ne Peshkopi perballe Korabit vendas dhe barazimit ne Kruje me ekipin e Beselidhjes. Nje sezon qe nisi shume mire per ekipin krutane qe ne perberja kishte lojteret me te mire te Kategorise se Pare. Faza e pare e gjeti Kastriotin ne vendin e pare me vetem nje humbje perballe ekipit te Korabit, duke u shkeputur ndjeshem nga ndjekesit e Beselidhjes.

Por mbas penalizimit nga FIFA me tre pike, kampionati u rihap serish, ku te tre ekipit luajten deri ne ndeshjen e fundit per te qene kampionet e Kategorise se Pare dhe per te luajtur sezonin e ardhshem ne Eliten e Futbollit Shqiptar. Fati ne fund i buzeqeshi ekipit te Korabit, qe ne dy ndeshjet vendimtare, arriti te fitonte.

Pavarsisht mosarritjes per te qene Kampionet e Kategorise se Pare, ekipi i Kastriotit luajti nje nder sezonet me te mira te viteve te fundit, duke marre fitore te rendesishme e dhuruar loje shume te bukur. Si cdo vit edhe mbeshtetja e Ultras Kastrioteve ka qene e madhe, si ne Kruje ashtu edhe ne transferte.

Per Bashkine Kruje, mbeshtetja e ekipit te Kastriotit do jete akoma me e madhe vitin e ardhshem, pasi objektivi per te qene ne Superlige eshte ne ADN e ketij ekipi.

Lavdi Dëshmorëve Të Kombit

Dita e Dëshmorëve e cila përkujtohet çdo vit në nder të heroit tone Qemal Stafa i cili u vra më 5 Maji 1942, nga fashistët. Kjo datë u vendos të jetë ditë në përkujtim të gjithë të rënëve që luftuan për pavarsinë e Shtetit Shqiptar.

Ashtu si çdo vit tjetër u zhvillua ceremonia zyrtare e homazheve në Varrezat e Dëshmorëve të Kombit, ku zyrtarë, familje veteranësh, qytetarë të ndryshëm vendosën kurora me lule në nderim të të rënëve në luftën anti-fashiste.

Për Nën Kryetarin e Bashkisë Krujë, Z. Rraja, 5 maji është një ditë ku ne sot përulemi me mirënjohje me respektin më të paçmueshëm ndaj djemve e vajza të Shqipërisë që i dhanë të ardhmes së atdheut gjakun e tyre, jetën e tyre dhe ëndrrat e tyre”

#TIDDAY, Bashkia Krujë feston në ditën kushtuar turizmit

#TIDDAY, Bashkia Krujë feston në ditën kushtuar turizmit

“Kruja është një nga destinacionet turistike më të frekuentuara” dhe kjo për Kryetarin e Bashkisë Krujë Z. Artur Bushi, “duhet  që vëmendja kryesore të përqendrohet në zhvillimin e mëtejshëm të turizmit”.

E kjo për kryebashkiakun vazhdon gjer në caktimin e një date, ku i dedikohet në mënyrë të veçantë turizmit. Data 30 prill e cila përkon edhe me përvjetorin e një prej shoqatave më të suksesshme sikundër TID është ( Tourism Improvement District-Kruja), që me financimin nga AADF (Albanian-American Development Foundation) e kanë kthyer Pazarin e Vjetër të Krujës, në një nga monumentet e kulturës më të rëndësishëm në Shqipërisë. Vlen të përmendet se artizanët në  Pazarin e Vjetër të Krujës janë përjashtuar nga taksat vendore.

Aktiviteti TIDDAY filloi nën atmosferën e bukur të fëmijëve të Qendrës Kulturore Krujë, shfaqjet e Cirkut Kombëtar dhe fantazisë së Urban Sketchers Albania. Vendin e mori kulinaria krutane ku bizneset vendase që janë të lidhura ngushtë me turizmin, promovuan ushqimet dhe gatimet tradicionale të zonës së Krujës. Nuk kishin si të mungonin edhe Grupi Karakteristik “Pleqtë e Krujës” ku me këngët dhe vallet krutane i dhanë entuziazëm akoma më shumë, vizitorëve të shumtë.

Një moment i rëndësishëm ishte edhe pjesëmarrja e zv/ministres së  Zhvillimit Ekonomik, Turizmit, Tregtisë dhe Sipërmarrjes, znj. Adela Karapici dhe përfaqësuesve të AADF drejtuesit AADF Z. Aleksandër Sarapulis dhe Z. Martin Mata, të cilët siguruan Bashkinë Krujë, që projektet për të zhvilluar turizmin në Krujë nuk do të mungojnë.

TID DAY, kulmoi me koncertin e organizuar, ku shumë të rinj e mes tyre shumë turist, kërcyen nën tingujt e muzikës modern nga këngëtarët e mirënjohur Anxhela Peristeri, Devis Xherahu, Era Rusi, Orinda Huta, Tiri Gjoci dhe Ardit Bufi.

Për Kryetarin e Bashkisë Z.Bushi, kjo është vetëm fillimi i mbështetjes së turizmit nga ana e tij, pasi së shpejti në Krujë do nisë edhe faza e dytë e rehabilitimit të zonës historike të Krujës.

Hapja e Sezonit Turistik

Bashkia Krujë do të hapë këtë të shtunë sezonin turistik, dhe për këtë ka përgatitur një sërë aktivitetesh joshëse për vizitorët. Kryetari i Bashkisë Artur Bushi, bën me dije se për promovimin e turizmit në Krujë, është caktuar data 30 prill, si ditë e hapjes së sezonit turistik, dhe kjo datë do kthehet si festë e përvitshme.

E konceptuar si hyrje në historinë e Krujës, kjo ditë fillon me një sërë aktivitetesh që tregojnë mbi faktet, figurat dhe ngjarjet me rëndësi historike të këtij qyteti.

Guidat turistike që do shoqërojnë vizitorët e shumtë nëpër vendet historike, me panairin e gatimeve tradicionale të zonës, veshjeve krutane, promovimin e artizanatit me prodhimet prej bakri, leshi, druri që krutanët prej shekujsh kanë trashëguar nga të parët e tyre.

Më vonë aktivitetet kulturore do marrin vëmendjen e vizitorëve, me shfaqjet artistike të Qendrës Kulturore të Fëmijëve dhe Grupit Karakteristik të “Pleqtë e Krujës”, ku do performojnë me një sërë këngë dhe valle të zonës së Krujës.

Aktiviteti do të mbyllet me koncertin festiv në orë 19:00 me pjesëmarrjen e këngëtarëve të njohur Anxhela Peristeri, Devis Xherahu, Era Rusi, Orinda Huta, Tiri Gjoci dhe Ardit Bufi.

Aktiviteti “TID DAY” organizohet nga Bashkia Krujë në bashkëpunim me TID (Tourism Improvement District-Kruja ) dhe AADF (Albanian-American Development Foundation). 

RIKONTRUKSIONI I RRUGËS “MARIN BARLETI” NE KRUJË

Bashkia Krujë, në prag të afrimit të sezonit turistik po ndërmerr të gjitha masat e nevojshme për ofrimin e infrastrukturës së duhur rrugore.  Mes shumë akseve të dëmtuara, Kryetari Z.Artur Bushi, ka ngritur një grup pune në evidentimin e gjithë  rrugëve në të cilën turistët kalojnë dhe sistemin e tyre brenda muajit prill.

Rruga e parë e cila po rikonstruktohet është rruga “Marin Barleti” që lidh qendrën e qytetit me një nga lagjet më të vjetra të Krujës, Varosh e më tej bashkohet me rrugën e Malit e më pas drejt Malit të Krujës.  Në këtë rrugë, nga dita e nesërme do vazhdojnë edhe vijëzimet, duke e kthyer këtë rrugë në një aks me gjithë parametrat e duhur.

Me anë të një postimi në facebook, kryetari i Bashkisë, Z.Bushi ka shkruar  “Një qyteti turistik nuk i shkojnë përshtat rrugët me gropa e herë të pakalueshme, prandaj rikonstruksionet i nisim nga rruga “Marin Barleti” ku në pak ditë do të jetë gati bashkë me vijëzimet e bardha”. Duke treguar rëndësinë që ka turizmi në këtë qytet.

Pas kësaj do vazhdohet me mirëmbajtjen e rrugës kryesore, ku do të shikohen të gjitha segmentet e dëmtura dhe vijëzimin e rrugës nga Fushë Kruja deri në Krujë.

Pastrimi i kanaleve kulluese në Njësinë Administrative Bubq

Kryetari i Bashkisë Krujë, Artur Bushi, pa nga afër një nga punimet kryesore të bërë në Bashki, sikundër pastrimi i kanaleve kulluese është. Sipas tij Bubqi është një nga zonat më të mira të kësaj Bashkie, nisur nga sipërfaqjet e mëdha bujqësore që kjo zonë ka, me një potencial të madh të zhvillimit të bujqësisë.

Pastrimi i 7 kilometrave te kolektorëve që nisin nga fshati Bubq deri nëë fshatin Gjuricaj, përbën një investim serioz për të mbyllur njëherë e mirë historinë e përmbytjeve në këtë zonë, por edhe duke i dhënë mundësi të mirë zhvillimit të bujqësisë. Gjithashtu, janë pastruar edhe 540 metra kanale dytësore që lidhen me kolektorin kryesor në fshatin Mazhe e Madhe.

Sipas Kryetarit të Bashkisë, kjo është faza e parë e punimeve në këtë zonë, në pastrimin e kanaleve kulluese, që deri më sot kanë qenë të harruara prej vitesh. Faza e mëtejshme do vazhdojë në fund të muajit prill me pastrimin e kanaleve të tjera dytësore, deri në përmbushjen e premtimit që brenda këtij mandate nuk do ketë asnjë kanal kullues pa pastruar dhe sistemuar.

ZHVILLIMI I BUJQËSISË PËRMES POLITIKASH NXITËSE

Në Krujë,Kryeministri i Shqipërisë Edi Rama pa nga afër dy prej investimeve më të mëdha në bujqësi, të cilat kanë përfituar nga qasja e re e qeverisë shqiptare në funksion te zhvillimit të bujqësisë, si një nga degët më të rëndësishme në ekonominë shqiptare. I shoqëruar nga Kryetari i Bashkisë Krujë Z. Artur Bushi panë nga afër një nga serat më modern në Shqipëri dhe të dy bashkë përçuan mesazhin për zhvillim akoma më madh në këtë fushë, pasi mundësitë janë të shumta.

 

Sipas Kryeministrit,bujqësia është sektor nevralgjik në zhvillimin e ekonomisë shqiptare, e cila zë një peshë të rëndësishme në GDP e Shqipërisë rreth 20% të saj. Rëndësi e marrë, falë dhe politikave të reja në mbështetje të prodhimit, grumbullimit dhe eksportit ku në dy vite është dyfishuar sipërfaqja e serave dhe eksporti i prodhimeve bujqësore ka njohur rritjen më të madhe të 25 viteve të fundit. Tjetër nxitje do jetë edhe Fondi Kombëtar i Garancive të Kredive Bujqësore, falë mbështetjes së Bankës Europiane për Rindërtim dhe Zhvillim, ku çdo sipërmarrësi në fshat I janë vënë në dispozicion 300 milion euro kredi me interesa të ulëta.

 

Ndërsa Kryetari i Bashkisë Krujë përmendi mundësitë e mëdha që ka Bashkia Krujë, nisur nga sipërfaqja e madhe e tokës bujqësore rreth 50% të saj e shembull për këtë mori investimin e bërë ne zonën e Krujës. Gjithashtu garantoi se në buxhetin e vitit 2016 është parashikuar një fond i veçantë për bujqësinë, që bazohet në pastrimin e kanaleve kulluese dhe vaditëse, çka deri sot është kthyer dhe pengesë për zhvillimin e bujqësisë. Gjithashtu përmendi se më në fund Kruja do te ketë një treg që do menaxhohet nga Bashkia, dhe hapja e saj do bëhet brenda muajit mars, duke siguruar kështu infrastrukturën e duhur për tregtimin e produkteve bujqësore në Krujë.

 

Gjithashtu mes Kryeministrit të Shqipërsië dhe Kryetarit të Bashkisë Krujë u diskutuan një sërë investimesh që do nisin në Krujë, falë mbështetjes së qeverisë shqiptare. Një ndër to është edhe zgjerimi i rrugës hyrëse të qytetit, ndriçim të ri, trotuare në gjithë rrugët e Krujës, parkingun e qytetit Krujë dhe rehabilitimin e qendrës së Krujës.

Hartimi i Masterplanit te Pergjithshem

Bashkia Krujë është një prej 26 bashkive që mbështeten nga qeveria për hartimin e planit rregullues të territorit dhe Fushë Kruja ishte qyteti i parë që përfitoi direkt fondin për fasadat dhe kanalizimi i ujrave të shiut, duke i dhënë tjetër pamje qytetit.

Bashkë me Ministren Eglantina Gjermeni diskutuam për projektet që kanë një rëndësi të madhe në Bashkinë Krujë, si një nga zonat me potenciale turistike të mëdha.