Lajme per Qytetin

Rindërtimi/ Vijon proçesi i demolimit të pallateve të pabanueshme nga tërmeti i Nëntorit 2019!

Në Krujë vijon proçesi i rindërtimit e shtëpive të reja për familjet që humbën shtëpitë nga tërmeti i 26 Nëntorit. Plot 39 pallate do të shemben në Bashkinë Krujë e nga këto 23 janë në qytetin e Krujës. Menjëherë pas prishjes së pallateve, nis faza tjetër ajo e ndërtimit të infrastrukturës nëntokësore dhe truallit për zonën e re të rindërtimit. Bashkia Krujë është një nga bashkitë më të prekura nga tërmeti dhe është e vetmja bashki me 4 zona të reja rindërtimit. Një nga këto është në Krujë, e cila do të jetë e ndarë në Zonën A në rrugën Gavril Dara, ose Ballëm Efendiu dhe tjetra në rrugën Karl Gega, ose siç njihet ndryshe lagja nr 4.

Gjithashtu në qytetin e Krujës do të demolohen edhe 5 pallate të cilat do të shpronësohen për interes publik. Në qytetin e Krujës janë 684 banesa të cilat do të ndërtohen, nga këta 242 apartamente brenda zonave të rindërtimit dhe 96 apartamente në zonat jashtë sitit të rindërtimit. 96 apartamentet që janë jashtë sitit kanë të bëjnë me rindërtimin e pallateve në vendin ku aktualisht janë të pozicionuar pallatet e vjetra. Në dy zonat e siteve janë 14 pallate që do të ndërtohen dhe 7 pallate janë jashtë siteve. Ndërkohë, 346 shtëpi janë individuale të cilat do të ndërtohen në vendin ku aktualisht e kanë banesën.

04/03/2021 in Bashkia, emergjenca civile, kruje, rindertimi, Uncategorized

NJOFTIM

TË NDERUAR BANORË,

Në vijim të punës për zbatimin e programeve të rindërtimit në qytetin e Krujës, Ju njoftojmë se pallatet me nivel dëmi DS4 dhe DS5 do të demolohen!

Për pasojë, kërkojmë gjithë mirëkuptimin Tuaj, që apartamenti që keni në pronësi, të boshatiset nga çdo objekt apo send që mendoni se është i nevojshëm për Ju!

Afati i fundit është deri me datë 28 Shkurt 2021!

Pas kësaj date, Bashkia Krujë do të nisë demolimin e pallatit dhe nuk mban më përgjegjësi për objektet apo sendet që dalin jashtë funksionit nga zbatimi i këtij proçesi!

Ju faleminderit!

26/02/2021 in Uncategorized

Kryebashkiaku Bushi/ Situata ne Bashkine Kruje, pas emergjencave civile.

Përgjatë 5 ditëve me reshje intensive të shirave, edhe Bashkia Krujë u ndesh me problematikat që sjellin këto fenomene natyrore në territor dhe tek banorët. Ndryshe nga çdo vit tjetër, sasia e reshjeve nuk solli dëme në objekte banimi prej përmbytjeve në zonën fushore të Krujës. Për Kryebashkiakin Bushi e gjithë puna ka nisur, menjëherë sapo janë kontaktuar nga Ministria e Brendshme, mbi përfshirjen e zonës së Krujës, në hartën e rrezikut të përmbytjeve. “Sapo jemi njoftuar nga Agjencia Kombëtare e Mbrojtjes Civile, se zona fushore e Krujës është në zonën e rrezikut të përmbytjeve, kaluam në gjendje gatishmërie sipas Planit Lokal për Përballimin e Emergjencave Civile, duke mobilizuar gjithë strukturat bashkiake në koordimin me instancat qendrore. Fillimisht, kemi njoftuar të gjithë banorët, përmes administratorëve, policisë bashkiake e kryepleqve, mbi rrezikun që kemi dhe sensibilizimin për të na njoftuar menjehëre sapo të kishim prezence të ujit në toka bujqësore apo shtëpi. Kemi vënë në dispozicion gjithë kapacitetet tona njerëzore dhe logjistike, për të qenë sa më pranë banorëve dhe gjatë gjithë ditëve kemi ndërhyrë aty ku ishte nevoja më e madhe”.

 

Ndër masat e marra gjatë reshjeve ka qenë ndërhyrja në linjën e ujësjellësit të qytetit të Krujës, e cila u dëmtuar si pasojë e rrëshqitjeve të dherave në Malësinë e Krujës dhe ndërhyrja ka qenë e menjëhershme dhe për pasojë nuk pati probleme me furnizimin me ujë të pijshëm. Kryebashkiaku shton “Në zonën fushore të Krujës, patëm prezence të ujit në toka bujqësore në fshatin Murqinë, Mallkuç, Derven dhe Miliskaj, por në asnjë rast nuk kishim përmbytje të shtëpive apo bizneseve. Sipërfaqja e tokës me prezencë uji ishte rreth 350 ha në Njësinë Administrative Bubq dhe 70 ha në Njësinë Administrative Thumanë. Ndërkohë në Fushë Krujë, si asnjëherë në këto dy dekada dimri, lumi Zezë nuk doli nga shtrati dhe qindra familje e dhjetra biznese nuk u përmbytën. Kjo falë investimit shumë të mirë që kemi bërë vitin që shkoi. Në pjesën kodrinore dhe malore kishim rrëshqitje të dherave si Bubq Kodër, fshatrat Shkretë, Kroi i Madh, në një pjesë në Nuajë të Njësisë Cudhi dhe bllokim të pjesshëm të KM 1 të rrugës Krujë – Qafështamë. Sot janë të gjitha rrugët rurale të kalueshme, falë punës së bërë pa orar dhe në kushte terreni apo atmosferike tejet të vështira. Puna për të normalizuar situatën do të vijojë edhe gjatë fundjavës, në zonat kudrinore të Njësisë Bubq. Në qytetin e Krujës, kishim një rast të dëmtimit të një biznesi si pasojë e rrëshqitjeve të dherave dhe e gjithë zona është ngritur perimetri i sigurisë.

 

Bashkia Krujë është një nga bashkitë e cila ka një territor të larmishëm e cila fillon nga -5 m mbi nivelin e detit me zonën e Miliskajt e deri në 1723 m mbi nivelin e detit me Majën e Liqenit në Qafështamë, çka fenomenet natyrore sjellin shumë problematika në terren.

19/01/2021 in Uncategorized

Bashkia Krujë/ Situata e Emergjencave Civile prej Reshjeve të Shiut.

GJENDJA NË TERREN SI PASOJË E RESHJEVE TË SHIUT!

Sipas stacionit meterologjik në Krujë, sasia e reshjeve të rëna është 185.5 mm!

Si pasojë e reshjeve të denduara, situata ishte problematike në Murqinë, Mallkuç dhe Derven, ku uji ka mbuluar vetëm tokë bujqësore dhe një familje është evakuuar!

Ndërkohë, të gjitha institucionet ishin në gatishmëri dhe puna nuk ka ndaluar për asnjë moment, ku ekipi i Emergjencave Civili ka monitoruar situatën dhe në vendet ku ka pasur nevojë, ekipet e punës kanë ndërhyrë!

 

➡️ NË KRUJË

🟢ka pasur rrëshqitje dheu pranë një subjekti privat dhe dy banesave!

🟢Në bashkëpunim me OSHEE, janë sistemuar disa shtylla të cilat rrezikonin të rrëzoheshin.

🟢Ujësjellës Kanalizime ka riparuar një sërë problemesh në rrjetin e shpërndarjes në Kasme, ndërkohë problematike është vendburimi në Shkretë, ku njëra nga linjat e furnizimit të depove është jashtë funksioni dhe rruga për të shkuar atje është bllokuar totalisht! Furnizimi me ujë i qytetarëve ka vijuar, por me orare të ndryshme furnizimi! Në rast se furnizimi me ujë do të ketë probleme, javën e ardhshme do përdorim rrjetin e ri të ujësjellësit!

🟢 Rruga Krujë – Fushë Krujë nuk ka asnjë problem dhe ekipi i mirëmbajtjes ka pastruar gjithë trasenë e rrugës nga inertet!

  • Rruga Krujë – Qafështamë, masivi i gurëve shkaktoi bllokim të njërit krah të rrugës, në KM 1. Segmenti është hapur dhe i kalueshëm lehtësisht!

➡️NË CUDHI

🟢 RrugaNuajë – Qafështamë e kalueshme pa probleme, por kujdes duhet në 3 pika të këtij segmenti!

🟢 Rruga për në Shkretë dhe Kroi i Madh ishte e bllokuar, si pasojë e rrëshqitjeve të dherave! Aktualisht, është e hapur dhe e kalueshme për mjetet motorrike.

➡️NË BUBQ

🟢 Problematike ishte situata me tokat bujqësore në Mallkuç dhe Murqinë!

🟢 Nuk kishte asnjë shtëpi të përmbytur!

🟢 Segmentet rrugore janë të kalueshme pa problem.

🟢Lumi i Gjolës është brenda shtratit, në pjesën më të madhe të gjatësisë së këtij lumi!

➡️ NË THUMANË

🟢Problematike ishte situata në Fushë Derven, ku ka prezencë të ujit në tokat bujqësore, sidomos në pjesën pranë Lumit Gjolë. Është evakuar një familje, e cila ishte rrethuar nga uji.

🟢 Akset rrugore janë të kalueshme!

🟢 Në Miliskaj ka prezencë të ujit në tokat bujqësore!

➡️ NË NIKËL

🟢 Problematike është shtrati i lumit Zezë pranë fshatit Vrion, por me mjetet e Bordit të Kullimit është ndëhyrë në forcimin e argjinaturës!

➡️Në Fushë Krujë

🟢 Asnjë problematikë dhe Lumi Zezë si asnjëherë më parë me këto sasi reshjesh, nuk ka dalë nga shtrati, falë investimit që kemi bërë!

 

#NëGatimshmëri

18/01/2021 in Uncategorized

Rindërtimi/ Po merr formë qyteza e re në Thumanë, 50 shtëpitë e para janë në ndërtim e sipër!

Në njësinë administrative Thumanë vijon puna për ndërtimin e shtëpive për familjet e prekura nga tërmeti i 26 Nëntorit. Në një sipërfaqje prej 16 ha, do të ndërtohen 158 shtëpi individuale dhe 17 pallate, prej ku do të strehohen 278 familje të fshatit Thumanës.

Deri më tani, janë hedhur themelet e 50 banesave të para në të cilën puna vijon me intensitet të plotë në 7 ditë të javës. Ndërkohë është përfunduar puna në infrastrukturën nëntokësore, me kanalizimin e ujërave të zeza, bardha, sistemin e ujësjellësit, telekomunikacionit, sistemin rrugor të brendshëm dhe ndriçimi publik. Ndërkohë, puna për 17 pallatet nis për pak ditë të cilat do të ndërtohen në pjesën perëndimore të sitit.

Kliko këtu për të parë Planin e Detyruar Vendor të Thumanës.

14/12/2020 in Bashkia, Komunitet, kruje, Kulture, rindertimi, Te Pergjithshme, Uncategorized

Deklaratë për Shtyp/ Si është e vërteta e familjes Artur Mirdita dhe Selman Mirdita!

Bashkia e Krujës ka reaguar sërish pas publikimeve të fundit të Partisë Demokratike mbi situatën në Thumanë. Sipas zyrtarëve të bashkisë, proçesi i rindërtimit ka nisur dhe po punohet me ritme të shpejta puna. E gjithë zona e re është kthyer në një kantier të madh, për të ndërtuar banesat e reja për çdo familjar që ka humbur shtëpinë nga tërmeti dhe mbi këtë gjë nuk ka asnjë lloj ndasie, përzgjedhjeje apo përfitues të njëanshëm të familjarëve, sikundër PD pretendon. Është absurde ta mendosh, e jo më të bëhet politikë me pasojat e fatkeqësisë natyrore.

Mbi pretendimin e familjarëve, se nuk kanë asnjë lloj informacioni apo asnjë ndihmesë nga ana e institucioneve, familja e Artur dhe Selman Mirditës, trajtohen me pagesën e qerasë për banesën e dëmtuar nga termeti si më poshtë:
1- Artur Mirdita 5 persona, banesë 3+1= 200 mijë lekë/ muaj.
2- Selman Mirdita 6 persona, banesë 3+1= 200 mije lekë/ muaj.

Këtë pagesë qeraje, këto dy familjet e përfitojnë për të paguar shtëpinë, sikundër kanë deklaruar gjatë aplikimit për bonus qeraje. Këtë subvencion financiar do e marrin deri në dhënien e çelësave të shtëpisë së re. Po ashtu, në ditët e post tërmetit dhe ne situatën e karantinimit për shkak të Covid-19, të dyja familjet në fjalë Selman dhe Artur Mirdita janë trajtuar nga Drejtoria e Shërbimit Social me ndihma ushqimore.

“Fakti që këta banorë nuk janë zhvendosur në ambiente me qira, por vijojnë të banojnë në çadra edhe pse trajtohen me bonusin e qirasë është zgjedhje dhe deshire e tyre dhe në asnjë rast në kompetencë apo pergjegjesi e bashkise, apo si pasojë e trajtimit diskriminues ndaj tyre.

“Të dy familjet kanë aplikuar për banesë të re pranë njësisë administrative Thumanë dhe janë përfitues të dy shtëpive individuale, ku secila do të jetë jo më pak se 100 m3 hapësirë banimi” nënvizon bashkia.

04/12/2020 in Bashkia, Komunitet, kruje, rindertimi, Te Pergjithshme