Qindra nxënës të shkollave të Mesme dërguan mesazhin ndaj qytetarëve, se lëvizjet me mjete që forcojnë ekonominë, është zgjidhja më e mirë dhe më e shëndetshme ! Ecja në këmbë, përdorimi i biçikletave, transporti publik janë mjetet të cilat kushtojnë më lire dhe janë zgjidhje e mire si ndaj trafikut, ndotjes dhe shërbimit të shpejtë ndaj tjerëve dhe vetes.
Java e Lëvizshmërisë Europiane, u organizuar për herë të parë në Bashkinë Krujë përmes pesë aktiviteteve të shkollave të mesme, ku u organizua në formën e një “maratone” në vendet me rëndësi historike dhe natyrore. Nxënësit e shkollave të mesme vizituan Kalanë Antike të Albanopolisit, Parkun Kombëtar të Qafështamës, Malin e Krujës, Kishën 1500 vjeçare të Shën Pagëzorit në Borizanë dhe Urën e Abdyl Agës në Nikël.
Ky aktivitet u organizuar nga Bashkia Krujë në bashkëpunim me Ministrinë e Mjedisit dhe Drejtorinë e Zyrës Arsimore Krujë.
