Uncategorized

Bashkia Krujë, me rastin e festave të Nëntorit, organizon aktivitetet :

Bashkia Krujë: Përmirësimi i infrastrukturës rrugore në zonat rurale, mbetet angazhimi kryesor.

 Bashkia Krujë po investon në përmirësimin e rrugëve rurale, ku pjesa më e madhe e buxhetit shkon në sistemimin dhe asfaltimin e rrugëve. Fshati Qerekë, Mazhe e Madhe, Mallkuç, Picrragë, Zallë janë 5 fshatrat ku kanë përfunduar punimet ose po investohet. Gjithashtu, së shpejti nis puna në rrugën hyrëse në Thumanë, rruga e Kallarëve në Nikël, rruga e Zenelëve në Arrameras, rruga e Latëve në Larushk. Projektet janë investime të parashikuara në buxhetin e vitit 2018.Këto projekte janë pjesë e strategjisë për të zhvilluar ekonominë rurale.

Bashkia Krujë ka 50 fshatra, ku banojnë rreth 65 % e popullsisë. Baza ekonomike e bashkisë, po ashtu është e përqëndruar në këto zona ku bujqesia, blegtoria është mesatarisht e zhvilluar në formën e vetpunësimit. Një nga vështirësitë e deri tanishme, është mungesa e infrastrukturës rrugore që lidh fshatin me zonen urbane, por edhe lidhja e prodhimit me tregun. Zhvillimi i Agroturizmit është i pamundur, pa ndërtimin e infrastrukturës rrugore.

“Pra ishim ne situaten e 65% e banoreve te “izoluar” dhe baza ekonomike është kufizuar për shkak të mungesës së konektivitetit, që është parakusht i zhvillimit ekonomik, social, kulturor” thekson Kryetari i bashkisë, Artur Bushi. “Ndikimi i insfrastrukturës publike do i jape më tepër akses banorëve në sherbimet publike, qoftë duke shkurtuar kohën apo rritjen e lëvizshmërisë së njerëzve” theksohet ndër të tjera nga Z.Bushi.

Edhe për vitin 2019, buxheti do të jetë i fokusuar në përmirësimin e infrastrukturës në zonat rurale. Aktualisht, po analizohen të gjitha raportet e dala nga dëgjesat me publikun dhe brenda muajit dhjetor në Këshillin Bashkiak do propozohen për miratim, lista e investimeve.

Bashkia Krujë përmes programit “Bashkitë ne Europë”, organizoi disa takime informuese me të rinjtë në 3 shkollat e mesme që ka kjo bashki. Me synimin që Delegacioni i BE ka, autoritetet vendore dhe qytetarët shqiptarë të kenë akses ndaj informacioneve mbi BE -në, politikat dhe programet e saj. Rinia është fokusi kryesor i bashkisë Krujë, që përmes koordinatorit të Këndit të BE, të ofrojë sa më shumë akses për të rinjtë, duke i njohur me programet si “Erasmus Plus” dhe “Youth in Action”.

“BE nuk mund të jetë e ardhmja e Shqipërisë, duke e parë dhe e dëgjuar së largu nëpër “korridoret” e institucioneve apo medias, por një proçes ku  duhet të jemi pjesë, të gjithë” – u shpreh koordinatori i Këndit të BE- së, teksa informonte dhe ftonte të rinjtë për mundësitë konkrete që ofrohen.

Gjithashtu me të rinjtë e Krujës, Fushë Krujës dhe Thumanës u diskutua edhe për historinë e BE, ku të rinjtë tashmë kishin informacion, duke qenë se është lëndë në kurrikulat shkollore.

Kruja është një qytet mesjetar që për herë të parë përmendet në shekullin e IX, në një dokument kishtar të vitit 879-të.

Mendohet që emri  rrjedhë  nga fjala “krua”, burim uji, sepse në Krujë ka shumë burime të tilla.

Sot, Kruja njihet si kryeqendra e rezistencës ndaj pushtuesve osmanë gjatë kohës që Skënderbeu

udhëhiqte këtë rezistencë.

Kështjella e Krujës u rrethua 4 herë nga ushtria Osmane. Në rrethimin e katërt kështjella ra në dorën e pushtuesit. Kruja është një qendër e rëndësishme turistike në Shqipëri.

Sipas statistikave të këtij viti të nxjerra nga drejtoria e shërbimit turistik në Bashkinë e Krujës, këtë qytet e kanë vizituar rreth 305 mijë turistë vendas e të huaj.

Përgjegjësi i Zyrës së Informacionit Turistik të Bashkisë Drini Masha, e konfirmon këtë numër duke specifikuar se “vetëm polakë e kanë vizituar qytetin tonë me rreth 56 mijë turistë, ndërsa vizitorët e huaj të ardhur kryesisht nga Europa, por edhe nga Amerika e Australia, e kalojnë shifrën mbi 105 mijë.”

I pyetur se për se vijnë në Krujë, Masha përgjigjet se ”kanë lexuar dhe dëgjuar për historinë e këtij qyteti, që këtu  ndodhet një muze për Heroin tonë Kombëtar, një muze etnografik, ndërtesa mesjetare dhe mbi të gjitha është pika historike më e afërt nga Tirana dhe Aeroporti “Nënë Tereza”.

Në Krujë, ruhet dhe një traditë zejtaria tradicionale e prodhimit me dorë si punimi i leshit, metalit dhe drurit.

Kruja, dallohet edhe për gatimin e saj të veçantë dhe tradicional. Këto janë disa arsye që Kruja vizitohet kaq shumë”, thotë Drini  Masha.

Ndërsa Drejtori i Muzeut Gjergj Kastrioti Medi Hafizi, flet për vizitorët e përditshëm të muzeut që janë kryesisht të huaj dhe nxënës shkollash. “ Të huajt vijnë dhe kuriozohen nga historia e Skënderbeut dhe arkifaktet, por dhe nga pozicioni gjeografik i qytetit.

Në fshatin Sukth Vendas, të Njësisë Administrative Thumanë, u inagurua hapja e një xhamie të re, për besimtarët e zones.  Për administratoren e njësisë, Znj. Griselda  Mana , kjo zone është shembulli i një vlerë të rrallë, si tolerance fetare.

“Në prag të një dite të rëndësishme për besimtarët musliman, si  Kurban Bajrami , Ju uroj ta gëzoni xhaminë e re! Është një ogur i mirë, teksa kjo ditë e rëndësishme na gjen me nje ambient të ri, të paqtë në udhën drejtë Zotit, prandaj për mua është nder, ta ndaj këtë ditë me Ju” ndër të tjera, theksoi Znj. Mana.

Festimet që i takojnë kësaj dite shënojnë flijimin dhe sakrificën e njeriut në emër të besimit të Zotit dhe në emër të dashurisë për njeriun. Ajo përbën festën e madhe të mëshirës, të faljes, mirëkuptimit, mirësisë, vëllazërimit dhe paqes. Kremtimi i kësaj dite siç është bërë traditë filloi në orët e para të mëngjesit.

Me këtë rast, bashkia Krujë, Ju uron Gëzuar Kurban Bajramin.

“Nëse nuk ke vizituar Krujën,nuk ke vizituar Shqipërinë. 57.710 vizitorë janar-korrik 2018.  2.5 herë më shumë se e njëjta periudhë e vitit të kaluar. Dhe jemi vetëm në mes të sezonit turistik”, bën me dije muzeu. Muzeu kombëtar Gjergj Kastrioti Skënderbeu. Ndërkohë, në Kalaja e Krujës është vizituar mbi 130.000 turistë, në 7 muajt e parë të vitit.

Muzeu Historik dhe Etnografik Krujë bën me dije se kanë qenë të shumtë turistët nga Italia, që kanë vizituar këtë muze gjatë këtij muaji. “Bum” turistësh italianë në Muzeun Gjergj Kastrioti Skënderbeu dhe Muzeun Etnografik, Krujë. Numrin më lartë të turistëve të huaj, që kanë vizituar Muzetë e Krujës gjatë muajit gusht, e përbëjnë italianët, të cilët vizitojnë vendin tonë të organizuar me agjenci turistike, individualisht, apo të shoqëruar nga miq shqiptarë që jetojnë në Itali”, njofton muzeu në Krujë. Por së fundmi Muzeu Historik dhe Etnografik në Krujë ka bërë publike dhe numrin e vizitorëve gjatë periudhës janar-korrik të këtij viti. i njohur edhe si Muzeu i Skënderbeut dhe Muzeu i Krujës, ndodhet në Krujë dhe është një nga më të vizituarit në Shqipëri.

Kompleksi i muzeut është shpërndarë në disa hapësira, të cilat vizitohen kronologjikisht sipas ngjarjeve. Muzeu u ndërtua në kalanë e famshme të Krujës, kryeqendra e shtetit të Arbrit dhe personifikim i disfatës së ushtrive osmane, për tri herë rresht, në shek. XV. Në këto pavione janë ekspozuar objekte prej qeramike, bronzi, hekuri, bakri, faksimile të ndryshme, ikona origjinale, shkrime, këmbana e vitit 1462, shpata origjinale të shek. XV etj. Muzeu Etnografik i Krujës ndodhet brenda kalasë së Krujës. Ky muzeum është ngritur në shtëpinë e familjes së Toptanve, e cila është një ndërtesë e tipit “çardak” e vitit 1764. Banesa është monument kulture e kategorisë së I-rë. Në mjediset e brendshme, si edhe objektet e paraqitura në mjediset e jashtme, jepet një pamje e plotë i zejeve të ushtruara në Krujë dhe në të gjithë Shqipërinë, si edhe i mënyrës së jetesës duke filluar që 300 vjet përpara.

Plot 90 përqind e objekteve të këtij muzeu janë origjinale dhe 100 përqind janë funksionale. Në të gjejmë objekte prej qeramike, druri, guri, hekuri, pambuku, mëndafshi, leshi, qëndisma të ndryshme të ekspozuara me finesë. Mosha e këtyre objekteve varion nga 60-70 deri në 500-vjeçare. Muzeu Kombëtar Etnografik i Krujës u përurua më 20 nëntor 1989.

Artur Bushi i jep simbolin e qytetit, Presidentes së Kroacisë, Kitarovic!

Kruja ishte ndalesa e radhës e Presidentes, Kolina Grabar-Kitarovic, e cila u prit nga Kryebashkiaku i Krujës, Artur Bushi.

Vizita nisi në Kalanë, identitetin e shqiptarëve, duke u njohur nga afër me historinë e Heroit Kombëtar “Gjergj Kastriot Skënderbeu”. Vizitë që merr një vlerë shumë të madhe duke qenë se përkon  me Vitin Mbarëkombëtar të Skënderbeut!

Për Kryetarin e Bashkisë Krujë “Skënderbeu është një figurë me një rëndësi përtej kombit shqiptar, pjesë e identitetit dhe historisë së përbashkët europiane”. “Prandaj, ndihem i lumtur që pres, Presidentin e një shteti, që kaq shumë e mbështet aspiratën tonë kombëtare drejt BE dhe i dorëzojmë simbolin e qytetin, Heroin Kombetar!

Gjithashtu, u vizitua dhe Muzeu Etnografik, një nga institucionet më të rëndësishme kulturore, shtëpia e familjes Toptani, e cila njihet për origjinalitetin e saj, që prej shek XVIII. Gjatë vizitës, Presidentja Kroate, shkroi mbi mbresat që i la vizita e saj në të dy muzetë e Krujës.