Uncategorized

Bashkia Krujë : Ja projektet infrastrukturore për vitin 2018!

Infrastruktura rrugore mbetet një nga prioritetet e bashkisë Krujë edhe për vitin 2018. Sikundër në dy vitet e para buxhetore, ku pjesa më e madhe e investimeve u përqëndrua në përmirësimin e rrugëve, si në zonat urbane ashtu dhe rurale. Kjo përmes 30 projekteve të realizuara, nga të cilat kanë përfituar banorët në të gjitha njësitë administrative. Për Z. Riza Blushi, Drejtor i Projekteve dhe Urbanistikës,  “infrastruktura rrugore mbetet një nga problemet më të mëdha, ku ende ka fshatra të cilat janë mes baltës dhe pluhurit, që pengojnë zhvillimin ekonomik dhe social të banorëve”.

Për këtë bashkia Krujë, gjatë vitit 2018 ka parashikuar një sërë investimesh në rrugë, ku më të rëndësishmet janë :

• Sistemim – Asfaltim i rrugës së “Rrahit” në Arrameras.
• Sistemim- asfaltim i rrugës së “Latëve” në Larushk.
• Asfaltimi i rrugës së “Zeneleve” në Arrameras.
• Ndërhyrje me asfaltim i rrugës së “Kurtëve” në fshat Fushë Krujë.
• Sistemim – asfaltimi i rrugës së fshatit Zallë.
• Sistemim dhe asfaltimi i rrugës së Zirëve në Fushë Krujë.
• Asfaltimi i rrugës nga Lavatriçja deri në Qerekë
• Rehabilitim dhe asfaltimi i rrugës në Mazhe të Madhe.
• Sistemim – asfaltimi i rrugës “Mallkuç Fushë – Mallkuç Kodër” në Bubq.
• Ndërtimi i Urës që lidh fshatin Bilaj me fshatin Dërven.
• Sistemim – asfaltim i rrugës Krujë – Picrragë. (Faza e parë)
• Asfaltim i rrugës nga tregu deri tek Pallati i Kulturës në Krujë.
• Rikualifikim i dy qendrave urbane në qytetin e Krujës.
• Sistemim asfaltimin e rrugës hyrëse të Thumanës.
• Ndërtim trotuaresh dhe ndriçim i rrugës hyrëse dhe i qendrës së Bushneshit.
• Sistemim – asfaltimi i rrugës së “Kallarëve” në Qerekë.

Gjithashtu, gjatë këtij viti do nisë dhe puna në rikontruksionin i shkollës në fshatin Kurcaj, rikonstruksioni ish shkollës së mesme ‘Shote Galica”, investim i qeverisë shqiptare, ndërsa donatorëve të huaj u janë propozuar  2 projekte për përmirësimin e infrastrukturës shkollore.

Gëzuar 1 qershorin të dashur fëmijë!

Nga kopshti Derede, është dhënë urimi për një ditë sa më të gëzuar, nga ana e bashkisë Krujë! Nën kujdesin e veçantë të stafit të kopshtit nr 2, fëmijët përmes vjershave dhe këngëve, festuan bashkë me prindërit, në një ditë të dedikuar tërësisht fëmijëve.

Mes emocioneve, fëmijët përpos shumë urimeve, morën duartrokitje të shumta nga të pranishmit, duke e kthyer këtë ditë kaq shumë festive dhe të rëndësishme për ta.  Kjo ditë është kthyer jo vetëm në një ditë festive, por edhe në një ditë sensibilizimi, për ti thënë jo dhunës dhe abuzimit ndaj fëmijëve. Është dita kur vetë fëmijët ngrenë zërin për të drejtat e tyre.

Për bashkinë Krujë, jo rastësisht u zgjodh ky kopësht, pasi është dhe një nga problemet më kryesore që kemi, lidhur me infrastrukturën. “E vetmja mundësi për të ofruar kushtet bashkohore, është investimi në rikonstruksionin tërësor të godinës ekzistuese,  prandaj kemi nisur dhe kontaktet me një sërë fondacionesh për të financuar këtë projekt”, u shprehën përfaqësues të bashkisë Krujë.

Dita e fëmijëve u vendos në datën 1 Qershor, sepse në këtë datë është mbajtur Konferenca Botërore e Mirëqënies së Fëmijëve në Gjenevë, në 1925. Në të njëjtën ditë, koinçidoi që konsulli i përgjithshëm kinez në San Francisko mblodhi së bashku një numër të konsiderueshëm fëmijësh jetimë kinezë të celebronin në festivalin e “Anijes së Dragoit”. Dy vjet më pas Festa e 1 Qershorit filloi të festohet në të gjithë botën.

Aktivitetet kryesore

Ora 11 : 00 Hapja e aktivitetit nga Kryetari i Shoqates TID  Z. Idriz Cela

                    Fjale pershendetese nga Nen/Kryetari i bashkise Kruje, Z. Ilir Loci

Ora 11: 20 – 19 :00

– Koncert nga Qendra Kulturore e Femijeve Kruje 

– Performance nga Artistet e Cirkut ( gjate gjithe dites)

– Performance nga Grupi Karakteristik “Pleqte e Krujes” 

– Stende Kulinarie me produkte tradicionale

– Hot Air Balloon Albania

– Art & Food nga nxenesit e Gjimnazit “Skenderbeu” Kruje

– Sketching 

– Street Art 

19:00  KONCERT

• Klajdi Haruni & Bruno

Kastrioti rikthehet në Superligë. Fitorja 3-0 ndaj Besëlidhjes në Krujë, i jep mundësinë që vitin e ardhshëm, ekipi krutan të jetë mes ekipeve më të mira në Shqipëri.

Pas  një pjese të parë që u mbyll 0-0, Çutra, zhbllokoi rezultatin me nisjen e pjesës së dytë me goditje standarte nga jashtë zonës. Ekipi krutan sulmoi deri në fund duke shënuar dhe dy gola të tjerë me Kibiru dhe Çutrën sërish. Ndeshja u mbyll 3-0, duke bërë që Kastrioti të sigurojë matematikisht kryesimin e Kategorisë së Parë në grupin A.

Kastrioti që  në fillim të këtij sezoni ka kryesuar në grupin A, duke u shkëputur ndjeshëm nga ekipet e tjera prentendente si Egnatia, Erzeni.

Ndeshja për titullin e Kategorisë së Parë do luhet mes Tiranës dhe Kastriotit.

Bashkia Krujë, Ju uron “Gëzuar Pashkët dhe ditë vetëm të bardha për besimtarët ortodoks”

            NË KUADRIN E  VITIT MBAREKOMBETAR TE SKENDERBEUT

  PROGRAMI

     KOLONIA E PIKTOREVE NE KRUJË

     29 Mars – 2 Prill 2018

–         Dita e parë, e enjte, 29 Mars 2018:

–         Krijimtari e lirë për piktorët në qytetin e Krujës, Kalanë historike dhe pazarin tradicional.

–         Darka e mirëseardhjes, përshëndetjet e rastit, muzikë e lehtë. (Ora  19.00,  në mjediset e Hotel Panorama, Krujë.

–       Dita e dytë, e premte, 30 mars 2018:

–         Krijimtari e lirë për piktorët në qendrën e vjetër të qytetit, pazarin karakteistik dhe Kalanë e Krujës.

-Ora 12:00 Takim me librin: Me shkrimtarin Namik Dokle dhe dy romanet e tij të fundit “Vajzat e mjegullës” e “Lulet e Skajbotës” (Në mjediset e Hotel Panorama)

– 18:00 Modele me veshje popullore tradicionale të zonës për piktorët.

–         Dita e tretë, e shtunë, 31 mars 2018:

–         Krijimtari e lirë për piktorët në Qafë – Shtamë, qendër turistike dhe Park Natyror Kombëtar.

–         Pasdite krijimtari e lirë për piktorët në pazarin tradicional të Krujës.

–          Modele me veshje popullore tradicionale të zonës për piktorët.

–         Dita e katërt, e dielë, 1 Prill 2018:

–         Krijimtari e lirë për piktorët në Sari Salltik në Malin e Skënderbeut. (Nisja e organizuar në orën 07.30).

–         Ekspozita me punimet të realizuara gjatë ditëve të Kolonisë (ora 16.00 – 18.00),  në sheshin qëndror të qytetit të Krujës përpara bashkisë së qytetit.

–         Ceremonia e mbylljes se aktivitetit dhe ndarja e certifikatave dhe vlerësimeve. (Ora 19.00).

GËZUAR SULLTAN NEVRUZIN ?

Në festën e madhe që vjen si “Dita e Re” e Verës dhe e lindjes së Imam Aliut, uroj për më shumë harmoni dhe begati për të gjithë shqiptarët!

Artur Bushi