Bashkia Krujë i uron besimtarëve katolik “Gëzuar Pashkët”

Kryetari i Bashkisë Krujë ka uruar ditën e sotme të gjithë besimtarët katolik “Gëzuar Pashkët”!


Përmes një fotoje nga kisha në Borizanë, Z. Bushi shprehet “Në festën që na kujton ngadhënjimin e jetës dhe që frymëzon besim e shpresë, për ditë më të mira! Është e dita e përjetësisë, dita e besimit në Zot dhe besimit te vetvetja”

Për shkak të Pandemisë, kjo festë e çmuar për besimtarët katolik nuk mund të festohet në vende publike dhe as nuk mund të mbahet meshë në kishat e territorit të Bashkisë Krujë!

Bashkia Krujë/ Zjarri në Malin e Krujës dogji 50 ha!

Për dy ditë me radhë, në Malin e Krujës pati 4 vatra zjarri e cila përshkroi 50 ha tokë. Pjesa jugore e Malit, u përfshi nga flakët e mëdha të cilat edhe falë erës së fortë u përhap thuajse deri në gjysmën e Malit. Dëmet e shkaktuara ishin në 50 ha tokë e djegur, me barishtet, ferrat dhe 6 ha fidanë të rinj pishe, të cilat ishin mbjellë nga Bashkia Krujë në vitin 2017. Gjithsesi vlerësimi i dëmit do jetë më i saktë, pas përfundimit të ekspertizës.

Dhjetra punonjës të Agjencisë Kombëtare të Zonave të Mbrojtura, Shërbimeve Publike të Bashkisë Krujë dhe zjarrëfikës u munduan të izolojnë vatrat e zjarrit, por terreni i vështirë dhe era e fortë e vështirësoi së tepërmi. U desh ndërhyrja nga ajri i forcave të Ministrisë së Mbrojtjes që vuri nën kontroll zjarrin.

Mbi shkakun e zjarrit, mendohet se është e qëllimshme, por ende po hetohet nga Prokuroria e Krujës.


Bashkia Krujë/ Deri tani në territorin tonë janë konfirmuar 5 raste të infektuar me Corona-Virus!

Bashkia Krujë njofton se në territorin e saj, janë konfirmuar 5 qytetar të infektuar me Corona Virus. Të pesë rastet janë në Fushë Krujë dhe pjesëtar të një familje. Rasti është izoluar dhe gjurmuar dhe për pasojë vatra e infenksionit është nën kontroll dhe mbikqyret vazhdimisht.

Sipas Redion Rroshit, Drejtori i Njësisë Vendore të Kujdesit Shëndetësor Krujë, u shpreh se vend për panik nuk ka, por kujdesi duhet shtuar akoma më shumë, kjo sidomos në zonat urbane. Gjithsej në Krujë janë testuar 25 raste të dyshuara, por vetëm pjesëtar të një familje janë infektuar. Mendohet se rasti ka erdhur nga Italia, pasi një e afërme e familjes ka emigruar nga vendi fqinj.

Mjekët e NJVKSH Krujë

Bashkia Krujë/ Deri tani asnjë i prekur në territorin tonë! Frikë JO, Kujdes PO!

Bashkia Krujë njofton se deri më tani në territorin e saj, nuk ka asnjë rast të konfirmuar me Corona Virus. Por kërkohet që nga ana e qytetarëve të saj, vigjilenca duhet të jetë e lartë nga secili prej banorëve, duke mbajtur higjenën personale dhe duke evituar grumbullimet në vendet publike!

Kjo është një betejë, me një ‘armik’ të padukshëm dhe bashkë do ja dalim! Nesër shmang çdo lëvizje, e rëndësishme është vetëm shëndeti! Në rast se keni shqetësime si temperaturë, kollë apo vështirësi në frymarrje, lutem kontaktoni nr 127!

Nga ana e saj, institucioni ynë, në zbatim të urdhërit të Ministrisë së Shëndetësisë dhe Mbrojtjes Sociale, ka mbyllur të gjitha çerdhet dhe kopshtet,si dhe po bashkëpunon me Policinë e Shtetit, duke mbyllur Bar -Restorantet deri në një njoftim të dytë! Gjithashtu, janë dezinfektuar rrugët, koshat e mbeturinave, hapësirat publike dhe godinat e shërbimeve publike, në zonat urbane!

Dezifektimi i rrugeve kryesore ne Kruje

Kërkohet shmangia e blerjeve nëpër tregjet e hapura apo të mbyllura të produkteve bujqësore dhe blegtorale!

FRIKË ASPAK, KUJDES PO! SHUMË FARE MADJE!

Tërmeti/Mbyllen fazat e verifikimit të dëmeve dhe aplikimit në ‘Shtëpia Ime’

Bashkia Krujë njofton mbylljen e fazës së dytë të proçesit të rindërtimit. Janë 4276 aplikime në territorin e Bashkisë Krujë. Njësia më e prekur është Thumana me 1101 familje të prekura. Qyteti Krujë ka 1110 familje të cilat kanë deklaruar që janë prekur nga tërmeti. Fushë Krujë 849, Bubqi me 595, Nikël me 258 dhe Cudhi 391 aplikime.

Faza e dytë është vlerësimi i dosjeve të aplikimeve, për të cilën asistohen nga Ministria e Rindërtimit. Referuar urdhërit të Kryetarit të Bashkisë Krujë, përfitues nga programet e rindërtimit do jenë vetëm familjarët që realisht kanë pësuar dëme nga tërmeti. Raporti bashkangjitur.

Rehabilitimi i Rezervuarit të Tapizës në Krujë, shmang rrezikun e përmbytjes së zones fushore!

Në rezervuarin e Tapizës në Krujë po vijon me ritme të larta rehabilitimi i plotë i tij.

Ky rezervuar ishte kthyer edhe në një problem për mijëra familje, pasi diga 1, rrezikonte të shembej dhe për pasojë përmbytjen e zonës fushore të Krujës.

.

Kryetari i bashkisë së Krujës, Artur Bushi, gjatë inspektimit të punimeve theksoi se “rehabilitimi i rezervuarit të Tapizës shmang një rrezik për mijëra familje, pasi një pjesë e argjinaturës ishte e dëmtuar”.

Por, shprehet Bushi, njëkohësisht është një mundësi më shumë për ekonominë bujqësore në bashkinë Krujë.

Sipas tij, rehabilitimi i rezervuarit të Tapizës është tjetër punë madhore që po bëjmë.

Ndërsa inxhinier Klodian Laska, tha se “ky projekt parashikon ndërtimin e plotë të digës 1, rikonstruksion i digës 2 & 3, si edhe veshje me beton të kanalit ushqyes të rezervuarit dhe lëshimit të ujit”.

Punimet për rehabilitimin e rezervuarit nisën në korrik të këtij viti. Ky investim kap vlerën 204.444.333 lekë me tvsh, ndërsa afati i përfundimit të punimeve është 9 muaj.

Konstituohet Këshilli Bashkiak i Krujës, Artur Bushi betohet për herë të dytë

Konstituohet Këshilli Bashkiak i Krujës, Artur Bushi betohet për herë të dytë. U zhvillua mbledhja e parë e këshillit për bashkinë e Krujës, ku Artur Bushi u betua për një mandat të dytë si kryebashkiak i Krujës.

Të pranishëm ishin deputetët Gjermeni dhe Rraja, Prefekti i Qarkut Durrës dhe qytetar të shumtë. Këshilli Bashkiak Krujë ka 31 anëtarë, ku 23 janë nga Partia Socialiste e Shqipërisë! “Kryefjala do jetë puna edhe në mandatin e dytë si Kryetar Bashkie, ku do vijojmë me pjesën e dytë të transformimit të Krujës”, u shpreh Z. Bushi.

Ndërkohë, Znj. Besa Sheta është zgjedhur si Kryetare e Këshillit Bashkiak Krujë.

Sheshi “Skënderbej” në Krujë, me fytyrë të re urbane

Përfundon investimi në riualifikimin urban të Sheshit “Gjergj Kastriot Skenderbeu” ne Krujë. Një investim i nisur në kuadër të programit të Rilindjes Urbane, tashmë qendra e Krujës është transformuar rrënjësisht, duke e kthyer në një hapësirë për këmbësoret dhe turistët e shumtë. Ky projekt në vlerën e 490 milion lekë, përfshinte zgjerimin, asfaltimin, ndriçimin LED të rrugës kryesore, rrugës “Donika Kastrioti”, rikualifikimin e sheshit “Gjergj Kastriot Skënderbeu”, kthimin në pedonale të sheshit “Mustafa Kruja”, ndërtimin e parkimit nëntokësor, ndërtimi i këndit të lojrave.

Elementët kryesor të kësaj pune është punimi i qendrës me gurë natyral e të gdhendur të zonës së Krujës, gjelbërimin e sheshit “Mustafa Merlika” duke e kthyer nga një zonë e zhurmshme parkimi, në një pedonale me një sipërfaqje 3000 m2. Ndërkohë sheshi “Gjergj Kastriot Skënderbeu” u kthye nga rrugë me gropa, në një hapësirë në gurë, të zbukuruar nga vazot e varura në mur dhe ullinj, kjo traditë 500 vjeçare. Tjetër detaj është ndriçimi i zgjedhur me shumë kujdes, i trotuareve në qendër. Traditës nuk mund ti mungonte, ndërtimi i një pusi dhe krahët e shqiponjës në monumentin e Skënderbeut.

Ky investim i shërben 83.000 banorëve të bashkisë Krujë, të cilët tashmë kanë një qendër të re, tre hapësira publike, kënd lojrash, hapësira për parkimin e mjeteve dhe për më tepër e bën qytetin më mikpritës për mijëra vizotorë, të cilët zgjedhin Krujën si qendër të turizmit kulturor.