Bashkia Krujë/ 6 shkolla hapen nesër për 581 maturantë!

Nga dita e nesërme, shkollat do hapin sërish dyert për maturantë. Në bashkinë Krujë janë 581 maturantë të cilët do të rinisin proçesin mësimor, pas më shumë se dy muaj që janë mbyllur si pasojë e masave të ndërmarra nga Covid-19.

Në këtë fazë, mësimi do të përqëndrohet në mësimet që maturantët kanë nevojë për të dalë suksesshëm nga provimet e maturës 2020.

Nga ana e Zyrës Arsimore Krujë në bashkëpunim me Bashkinë Krujë janë marrë të gjitha masat e udhëzuara nga Ministria e Arsimit, Rinisë dhe Sporteve. Gjatë kësaj jave janë dezifektuar ambienteve shkollore, janë vendosur distancat e bankave, vendosur sinjalistika, pajisjet me maska, dezifektant për nxënësit dhe termometër. Në fund të çdo dite mësimi, sërish ambientet do të dezifektohen, duke zbatuar kështu, të gjitha protokollet e sigurisë! 

Institucionet arsimore të hapura në Bashkinë Krujë janë : 1-Shkolla “Bakushe Visha” në Fushë Krujë; 2-Shkolla e Mesme e Bashkuar “Ramazan Jangozi” Thumanë; 3-Shkolla nr 1 Krujë, 4-Shkolla nr 2, Krujë; 5-Gjimnazi “Shote Galica”, 6-Shkolla e Mesme e Bashkuar “Ramazan Karaj”, Nikel. 


Në Ditën Ndërkombëtare të Muzeve, hapet Qendra Muzeore e Krujës.

Prej më shumë se dy muajsh, Muzetë e Krujës qëndrojnë të mbyllura për shkak të situatës Covid-19. Por sot në ditën ndërkombëtare Muzeu Kombëtar “Gjergj Kastrioti Skënderbej” dhe Muzeu Etnografik do presin vizitorët që më së shumti do të jenë vendas.

Në të dy Muzetë janë marr masat për respektimin e distancave mes vizitorëve, ku është vendosur sinjalistika, dezifektantë dhe tabela përshkruese në shqip dhe anglisht për masat që duhet të zbatohen. 

Nesër, hyrjet në Muze janë falas. 

Kryebashkiaku Bushi: Lagjja Subash nuk preket, gjejmë zgjidhje alternative për vijimin e rindërtimit. 


Pas prezantimit të projektit të rindërtimit në qytetin e Krujës, disa familje nga lagjja Subash ngritën shqetësimin se ndërtimi i pallateve të reja, do të bëhet mbi pronat ku tashmë ka disa shtëpi banimi. 

Pas marrjes së shqetësimit të banorëve, Bashkia Krujë ka kërkuar gjetjen e një zgjidhje alternative, ku proçesi i rindërtimit do të vijojë, por pa prekur pronat aktuale. Pas diskutimit me Ministrinë e Rindërtimit, AKPT dhe studiot projektuese, Kryebashkiaku Bushi priti në Bashkinë Krujë, përfaqësues të qytetarëve dhe i garantoi se institucioni lokal do të propozojë hapësira të tjera për të vijuar proçesin e rindërtimit. Ai sqaroi se “qëllimi i qeverisë dhe bashkisë është strehimi i banorëve, sa më parë të jetë e mundur, por duke respektuar të drejtën e pronës të gjithkujt”

Kruja është një ndër bashkitë që u dëmtua më tepër nga tërmeti i 26 Nëntorit, ku numri i familjeve të prekura është 4028 familje. 

Komunikimi Zyrtar i Bashkisë Krujë, mbi projektin e rindërtimit në Krujë!

Në vëmendje të qytetarëve, në interes të publikut të gjërë dhe në përgjigje të kërkesave të drejtuara zyrtarisht nga banorë të lagjjes Subash dhe të tjerë, mbi projektin e rindërtimit të banesave të dëmtuara nga tërmeti i Nëntorit 2019 në bashkinë e Krujë, Ju sqarojmë se:

“Qëllimi i Qeverisë Shqiptare përmes Ministrisë së Rindërtimit dhe asaj të Kulturës, në bashkëpunim me stafin e Bashkisë Krujë është strehimi i banorëve të prekur nga tërmeti, sa më shpejt në banesat e reja dhe me kushte e standarde të kohës. Mbi këtë qëllim dhe angazhim është punuar me ritme shumë të shpejta e intensive, si për vlerësimin e demëve të tërmetit, mbylljen e praktikave tekniko-ligjore, ashtu edhe me studime e projekte, në mënyrë që puna dhe rindërtimi të fillojë sa më shpejt në të gjithë territorin e Bashkisë Krujë.

Mbi shqetësimin e ngritur nga banorët e lagjjes Subash në qytetin e Krujës, e cila është përfshirë nga studio projektuese në perimetrin e sitit të ndërtimit, bëjmë me dije se jemi akoma në kontakt të vazhdueshëm me këtë studio dhe me Ministrinë e Rindërtimit.

Kjo me qëllimin për të studiuar një zgjidhje alternative, për të bërë të mundur plotësimin e nevojave për banesa të reja, për të gjithë banorët që kanë mbetur pa strehë dhe sigurisht, duke i qëndruar parimit të rindërtimit me standartet infrastrukturore, që janë parashikuar të zbatohen me hapësira publike të mëdha për të gjitha grupmoshat, nga fëmijët e deri tek të moshuarit, hapësira për të parkuar etjer, të cilat rrisin ndjeshëm cilësinë e jetës së qytetarëve. Po ashtu, edhe heqjen nga zona e rindërtimit të kësaj lagjjeje, në mënyrë që të bëhet më e mira për të gjithë, pasi ky është qëllimi dhe angazhimi i punës tonë në gjithë aktivitetin dhe shërbimet që ne kryejmë.

Në pritje të sistemimit të qytetarëve të dëmtuar nga tërmeti në banesa të reja dhe zgjidhjes së shqetësimit të mirëkuptuar prej banorëve në lagjjen e përmendur, një merak e kam edhe për një grup “fantastikësh”, të cilët i shqetëson çdo punë e bukur që kemi bërë e që do vijojmë të bëjmë për Krujën. Pikërisht jemi ne ata që për të shmangur katrahurat urbane të këtyre viteve miratuam planin urbanistik të territorit të bashkisë në mënyrë që askush të mos e ketë më mundësinë të ndërtojë qorrazi, por të zhvillojmë një qytet me hapësirat e duhura në funksion të qytetarëve, turizmit dhe brezave që do të vijnë.

Ndaj solidaritetit fallso të tyre me fatkeqësinë e presupozuar të të tjerëve, që frymëzohen e ngrihen si donkishotiane, e luftojnë kundër mullinjve te erës me shpata politike në dorë, i them që puna dhe vetëm puna na dallon nga Ju dhe angazhimi për transformime rrënjësore të qytetit historik të Krujës, vijon pa asnjë ndërprerje, në çdo “qelizë” të saj me parimin “Qentë” le të lehin, puna te eci përpara!

Si gjithmonë i Juaji!

Rindërtimi/ Deri tani në bashkinë Krujë janë prishur 18 pallate dhe 10 godina publike, të dëmtuara rëndë nga tërmeti.

Bashkia Krujë dhe Inspektoriati Kombëtar i Mbrojtjes së Territorit ka përfunduar fazën e parë me prishjen e 10 godinave publike, 17 pallateve në Thumanë dhe 1 pallati në Bubq. Këto godina janë dëmtuara nga tërmeti i 26 Nëntorit 2019 dhe Instituti i Ndërtimit kishte vendosur që këto godina duhet të rindërtohen nga e para. 

Godinat publike të shembura janë: institucionet arsimore në Thumanë, Bubq, Budull, Derven, Nuajë dhe Mukje, qendrat shëndetësore në Bubq dhe Borizanë, një godinë e arsimit parashkollor në Krujë, si edhe godina e administratës së Spitalit të Krujës. 

Gjithashtu, janë 18 pallate të shembura, prej të cilave 17 janë në Thumanë dhe vetëm 1 në Bubq. Sipas Z. Shuli, Kryeinspektori i Mbrojtjes së Territorit për Bashkinë Krujë, faza e prishjes së godinave do të vijojë, për çdo objekt të dëmtuar rëndë dhe të konfirmuara pas analizës së thelluar inxhinjerike! 

COVID-19/ 97 të infektuar në Bashkinë Krujë, 10 të shëruar dhe 1 person ka humbur jetën.

Në Bashkinë Krujë janë shtuar 5 persona të infektuar me COVID-19 gjatë 24 orëve të fundit! Janë persona kontakti me vatrën në një prej fasonerive të qytetit Krujë. Gjithashtu, është shënuar edhe viktima e parë, 50 vjeç nga Fushë Kruja. I nderi ishte bashkëshorti i një prej punonjësve të infektuar në një fasoneri në Krujë. Referuar Institutit të Shëndetit Publik, i nderi kishte pasur edhe sëmundje të tjera.

Bashkia Krujë shpreh ngushëllimet për familjen dhe apelon sërish për respektimin e distancimit fizik, si masë për të mos rënduar më tej situatën në Bashkinë Krujë.

Bashkia Krujë/ Deri tani 58 të infektuar, 6 të shëruar!

Numri total i të infektuarve në Bashkinë Krujë është 58, duke u rritur më +18 brenda 24 orëve të fundit. Nga të dhënat paraprake kemi vetëm një vatër infeksioni dhe vijon hetimi epidemiologjik nga 2 grupe mjekësh të ngritura nga Njësia e Kujdesit Shëndetësor Krujë.

Njësia më e prekur është qyteti i Krujës me 23 qytetar të infektuar dhe pas saj Fushë Kruja me 18. Ndërkohë, 3 janë shtruar në Spitalin e Infektivit në Tiranë.

Drejtoria e Përgjithshme e Tatimeve/ Nga nesër mund të aplikoni për pagën 40.000 Lekë


Subjektet dhe individët që përfitojnë nga vendimi i qeverisë pagën e jashtëzakonshme prej 40 mijë lekësh mund të aplikojnë nga dita e martë me anë të një formulari “Kërkesë për Përfitim të Ndihmës Financiare 2” tek portal i Tatimeve. Ata që plotësojnë kriteret do të njoftohen në llogarinë e tyre të deklarimit elektronik në e-filing pranë këtij portal dhe në vijim kështu atyre u jepet mundësia të aplikojnë duke filluar nga data 21 Prill e në vijim. Sipas administratës tatimore, aplikimi mund të kryhet nga subjekti dhe përfitojnë edhe punonjësit e tij. 

Kush përfiton :
Të punësuarit e subjekteve me të ardhura vjetore mbi 14 milionë lekë, të mbyllura sipas urdhrave të qeverisë.

Të punësuarit e subjekteve të lejuar për të ushtruar aktivitet, të cilët janë larguar nga puna nga data e hyrjes në fuqi të Urdhrave të Ministrisë deri në datën 10 Prill 2020.

Të punësuarit e subjekteve me të ardhura vjetore deri në 14 milionë lekë, të lejuara për të ushtruar aktivitet të cilët kanë qenë në punë që në datën e hyrjes në fuqi të Urdhrit të Ministrisë së Shëndetësisë.

Të punësuarit e subjekteve që ushtrojnë aktivitet në sektorin e strukturave akomoduese, të cilët figurojnë në listëpagesat e subjekteve, deri në datën e Urdhrave të lëshuara nga qeveria.

linku https://www.tatime.gov.al/d/8/45/45/1374/paketa-e-ndihmes-financiare-nr2-njihuni-me-menyren-e-aplikimit-per-te-perfituar-ndihmen-financiare-sipas-vkm-nr-305-date-16042020


Bashkia Krujë/ Gëzuar Pashkët Ortodokse

Bashkia Krujë uron të gjithë besimtarët ortodoksë në Shqipëri “Gëzuar Pashkët”.

Përmes një fotoje të kishës së Shën Mërisë pranë Krujës, Kryetari i Bashkisë Z. Bushi, uroji që kjo festë shprese e reflektimi, të sjellë më tepër kujdes ndaj vetes, shëndet e më shumë optimizëm në këto ditë të vështira!

Në Bashkinë Krujë janë një sërë kishash pasi historia e këtij qyteti ka rreth 1000 vite ku popullsia ishte e Krishterë. Këtë e provon fondi i hershëm i toponomastikës së krishterë nga shek I- VII, pra para periudhës së dyndjeve sllaveve.
Shëmri (Shën Maria), kisha e Shën Ndreut në Kala. Kruja ka qenë pjesë peshkopatë vartëse ose suftagane e Peshkopatit të Dioqezës së Epirit të Ri. Kjo ndarja e re i përkiste epokës së Dioklecianit.

Në ballafaqimin e Kostandinopojës me Romën, Kruja si pjesë e Provincës së Epirit të Ri anonte nga Patriarkati i Kostandinopojës. Kjo sidomos nga Perandori Ilir Anastasi I që forcoi marrëdhënient me Kostandinopojën.

Kruja del më në lag si qendër fetare, pas dyndjeve sllave ku qendrat e vjetra u rrënuan si Amantia, Skampa dhe del më në pah Cerniku, Deja, Kruja, Kolonja, Devolli dhe Cerniku.

Gjithashtu, emri Croia del për herë të parë në dokumentat kishtare në Peshkopatin e Durrësit, në shek VI.